سارورة هوم ألون 3

| |
أولاً بعتذر بجد عن التأخير

ودي بقى تالت حلقات سارورة هوم ألون

لو نسيتوا اللي فات .. ودا أكيد ههههههههههه ارجعوا للبوستات اللي فاتت

********


تانى يوم هوم الون وانا لسة عندى أمل انى هعييييش احلى اسبوع فى حياتى

بردو النت قاطع :'( ولسة السى دى روم راكبة دماغها

ومافيش قدامى الا التليفزيوووووووون

اوووووووووف .. قعدت اقلب اقلب وبعدين وانا بقلب شفت برنامج بتاع طبخ

روحت محولة وقولت الحمد لله عندى اكل النهاردة

ولا الحوجة

وحولت وقعدت اتفرج ومش فى دماغى

وبعدين جوعت فقولت اروح اكل بقى

روحت المطبخ وحطيت الاكل على النار وروحت كملت فرجة

وبعدين از فجاة شميت ريحة غريبة

قولت اكيد من الشارع

انا اقفل الشباك

قفلت الشباك وقعدت خمس دقايق الريحة بقت افظع

قولت لألألأ انا غبية ازاى ماقفلتش البلكونات

روحت قفلت البلكونات ورجعت اتفرج تااااانى

والريحة زادت وطلع معاها ريحة شيااااااااااااااط

حين اذ _ جامدة حتة الفصحى دى _ اكتشفت ان الاكل على النار

واكتشفت انه اتحرق

بس ما زعلتش

لأنى اكتشفت كمان انه كان حمض :'( وساعتها بس

لمحت ورقة التعليمات اللى رميتها

وشوفت انهم قالوالى ادخل الاكل فى التلاجة

عاااااااااااااااااااااااااا

بعدين الوقت اتأخر هجيب اكل منين دلوقتى

قلبت فى التلاجة طلعت شوية مكونات غريبة

اوطة و جبنة و فلفل اخضر و كوسة وحاجات غريبة كده

اوووووبا طب هما كانوا بيحلموا مثلاً انى هعرف اعمل الاكل دا ؟؟!!

المهم دعبست دعبست طلعت مكونات حسيت انها تنفع تعمل مكرونة

كده مشكلتى اتحلت فاضل حاجة صغنونة خالص

انى اعرف هى بتتعمل ازاى ؟؟

قولت بسييييييييييطة انا اقعد قدام القناة بتاعة الستات دى واستناهم يجيبوا مكرونة بتتعمل ازاااى

وطبعا الحل العبقرى دا خلانى قاعدة 24 ساعة قدام الهباب ان يجيبوا طريقة المكرونة ابتااااااااااااااااا

وانتهى بيا الامر لأنى اكلت جبنة وكنت هرجع خلاااااااص لأنى مش بحبها

ولسة عندى امل انى اعرف المكرونة بتتعمل ازاى

جابوها بعد 32 ساعة بالظبط

وحيث انى ماكنتش نمت فانا نمت فى نص الوصفة

بس مييييييييييين سارورة ماتعرفش المستحيل

قولت اذا كان الفيلم الاجنبى لما بيفوتنى حتة منى بستنتجها
المكرونة مش هستنتجها

واستنتجت

تفتكروا كانت ايه النتيجة ؟؟

اسيبكم تخمنواااا

9 comments:

فكرة من الزمن ده said...

حلو اوي الاسلوب
وخصوصا الذكاء اللي عملتيه حد يقفل الشباك وينسى سقفل البلكونة برضو؟
ماعلينا انا استنتج
ان المكرونة طلعت عجينة تنفع تتعمل فطيرة
تحياتي وفي انتظارك الباقي بجد

اقصوصه said...

مدونه مميزه :)

سمو الأميرة سارة said...

فكرة من الزمن دا تسلمي لي ياقمر

تصدقي فعلاً .. هي المشكلة اني ما قفلتش البلكونة ههههههههههههههههههههه
نورتيني

سمو الأميرة سارة said...

اقصوصة .. نورتيني بجد وفرحت بزيارتك ورأيك اوي

عابرة السبيل = ام بقلظ باشا said...

هو فيه اسهل من المكرونة؟
هى المكرونة كده تاكلى كتير تعمل تلبك وخصوصا عشان النشا اللى بيبقى فيها

يللا بالهنا والشفا

رامى ظاظا said...

يانهارك اسود ع اللى عملتيه
اللى يشفعلك أسلوبك اللى يهلك من الضحك
وعجبتنى قوى قوى جملة أكيد بقة طلعت الممرضة
احييكى على الاسلوب المبتكر
بس برضو المكرونة مش كدة أبداً

mic said...

جامد جدأ اسلوب السرد ده
احب اهنيكى على الموهبة ديه

عاشقه وبدوب ف حبيبي said...

حلو اوى حكايه المكرونة والصلصا دى مدونتك حلوة اوى وحكاويكى احلى يا سمو الاميرة سارة .انا منه ياريت تشرفينى بزيارتك وتقبلى مرورى يا قمر

Ramy said...

أزيك يا سارة و مبروك على الكتاب الجديد

أزى منى أخبارها ايه

مش باينة كدة ايه ياريت تطمنينا عليها

لأن حتى المدونة مش بتفتح