في بيتنا فرانكنشتانية !!

| |

الكلام دا حصل يوم 12 ديسمبر 2008 يعني قريب


الساعة كانت حوالي 3 الفجر أو اتنين


جالي احساس غريب قوي ، وحسيت انه زي ما يكون بينومني مغناطيسي


حسيت اني لازم انزل واخرج من بيتنا حالاً


اروح فين طيب ؟!! مش عارفة


بس اخرج من البيت


وطبعاً اترددت كتير ، ازاي اخرج من البيت في وقت زي دا ؟؟


وبعدين شارعنا مرعب أوي وضلمة أوي


وكمان بابا وماما والبيت كله هيبهدلوني لو اكتشفوا اني عملت حاجة زي دي


دا انا أخري في الشارع 10.5 كمان بكون رايحة للبقال اللي قصادنا مش بعيد يعني


بس بردو الاحساس لسة عمال زي ما يكون هيخنقني


لااااااازم انزل


لااااااازم اخرج


ونزلت فعلاً ولقيت البيت كله تحت منور


استغربت احنا متعودين لما الوقت يتأخر نطفي النور بقى


نزلت ع السلالم ولسة فاضلي 10 سلمات كده ولا حاجة


ولاقيت لفة غريبة طويلة كده ومتوسخة


روحت اقرب منها لاقيت فيها واحدة ست


واحدة ست متخيطة من رقبتها ومن ايديها ومن رجليها


خياطة واضحة أوي


شبه المسخ بتاع فرانكنشتين بس بنت


الغريب اني ما خوفتش .. بالعكس قربت منها وكانت ساكتة


بس ما كنتش خايفة منها زي ما بخاف من أي حاجة ميتة


وطلعت قولت لبابا


استغربت بردو انه ما اتخضش ولا حاجة


واحنا لو في واحدة صاحية في بيتنا في عز النهار بنقلق ونقلب الدنيا وازاي دخلت هنا وكده يعني


المهم كل البيت اتلم عليها ، بيحاول يعرف حكايتها ايه


خطرت في بالي فكرة متخلفة جداً


هي اننا نروح نعمل لها تحليل


DNA


علشان نعرف حكايتها ايه واصلها وفصلها


وما جيبتش سيرة لبابا خالص عن موضوع مسخ فرانكنشتين لأنه ماكنش هيقتنع بكلامي


واتنقفنا خلاص ان بابا هيسافر القاهرة وياخدها معاه علشان يعملها التحليل


_____________


الفيلم الهندي دا كان حلم من احلامي ههههههههه اه والله نمت يوم بعد ما كنت سهرانة بذاكر


وحلمت بالحلم دا ووقف لحد تحليل الدي ان ايه


عارفة ان في ناس هتحدفني بالكراسي دلوقتي علشان كده


لاااااااااااااااااااااازم


اجررررررررررررررررررررررررررري

10 comments:

enjy said...

انا لو كنت حلمت الحلم دة حضرتك كان زمانى دلوقتى بتحاسب....ايه يا بنتى الرعب الفظيع المريع الشنيع دة بس لا وللا جو المدونة والله تحفة بجد دة انتى عاملة احلى شغل

مــحــمـود نــشــــأت said...

جااامد اوى الرعب ده
مع ان الواحد مش ناقص بس فعلا كلام يستاهل القراه
وكملى وبالتوفيق دايما ان شاء الله

عاشقة الحب said...

حرام عليكي
وقعتي قلبي في رجليا
انا بحلم احلام زي دي كتير
بس عمري معاصرتها
على الواقع

حرام حرام عليكي

سمو الأميرة سارة said...

enjy said...

انا لو كنت حلمت الحلم دة حضرتك كان زمانى دلوقتى بتحاسب....ايه يا بنتى الرعب الفظيع المريع الشنيع دة بس لا وللا جو المدونة والله تحفة

__________

هههههههههههههههههههههههههههههه

بجد فطست م الضحك ع هتحاسب دي ههههههههههههه انتي زي العسل بجد

سمو الأميرة سارة said...

مــحــمـود نــشــــأت said...

جااامد اوى الرعب ده
مع ان الواحد مش ناقص بس فعلا كلام يستاهل القراه
وكملى وبالتوفيق دايما ان شاء الله

_____________________

ميرسي ليك يا محمود ربنا يخليك بس تعبيرك ان الواحد مش ناقص حسسني كده ان بيتكم كمان مش طبيعي .. فضفض يا بااااااااااشا

سمو الأميرة سارة said...

عاشقة الحب said...

حرام عليكي
وقعتي قلبي في رجليا
انا بحلم احلام زي دي كتير
بس عمري معاصرتها
على الواقع

حرام حرام عليكي

___________________

ههههههههههههههههه يلا تعيشى وتاخدي غيرها يابنوتة

مامة مازن said...

لا مش مجمع من الخوف

مامة مازن said...

كانت ليا واحدة صحبتى فى اعدادى زيك كده بالظبط كانت حصة الالعاب بتبقى حصة منيلة كانت الابلة بتانتخ على الكرسى واحنا نقعد نرغى فى الحوش البت كانت تلمنا وتحكيلنا حكايات تشيب اى والله تشيب وانا كنت من الربع الاولانى اقوم جرى من الرعب حتى بالنهار كده ماهو لو كملت مش هنام خالص بالليل

sab7al5air said...

يلا ان شا الله تكوني سريعه في الجري انا ما بحبش الحركات دي ولا في الافلام بس خيالك واسع ولذيذ اسلوب الحكي ولا المدونه و الاجواء و الصورة تحفه تسلمي

3alahameshmofakeraty said...

جميل أوي الحلم ده..
بيفكرني بأحلامي لما ببقى بعمل حاجة غريييييبة جدا و أنا أنا يعني أنا اللي نايمة بتفرج فوق بقعد أصو : انتي بتعملي ايه يا هبلة ؟
و بنفس الطريقة دي حلمت مرة اني كنت بحاول أصحي أختي مرة فمرضيتش تصحى م النوم... فقررت إني أدفنها !
تسلم ايدك على تسييب الركب ده :D